Tetë princesha arabe janë në gjykim në Bruksel për trafikim dhe abuzim të shërbyesve gjatë qëndrimit të tyre atje.

Sheikha Hamda al-Nahyan dhe shtatë vajzat e saj kishin rezervuar një kat me dhoma në hotelin luksoz për tetë muaj në vitin 2008, transmeton portali arbresh.info.

Ata sollën me vete nga Emiratet e Bashkuara Arabe një shpurë prej më shumë se 20 shërbëtorë për të cilët akuzohen se i kanë mbajtur në kushte të afërta me skllavërinë.

Viktimat pretendojnë se u penguan të largoheshin nga hoteli dhe u detyruan të hanë mbetjet e princeshave.

Princeshat po gjykohen në mungesë së bashku me një maxhordom indian.

Nëse shpallen fajtore, ato mund të përballen me qindra mijëra euro në dëmshpërblime dhe madje edhe në një dënim me burg – por aktivistët e të drejtave thonë se nuk ka shumë gjasa që Emiratet e Bashkuara Arabe t’i ekstradojnë ato për të shërbyer kohë prapa hekurave./Arbresh.info